夏天热辣辣，人同相机都要爽！同一大班朋友郊游、踩单车，又点少得影吓靓相？不过踩单车踩得咁快，想影到靓相都唔係咁易！Sony 相机「快．狠．準」就係人都知，无论玩吓 snap shot；定要影到大师级水準，都总有一部机帮到你手！
全片幅极速连拍之王 A9、轻型半专业无反 A6500，到超 wide 自拍机仔RX100 V（右起），你又会拣边部？极速．画质最高追求：A9
要讲 Sony 速度之神，当然係全新推出嘅旗舰级全片幅无反— A9 啦！如果你想为亲友拍下有如专业运动摄影级数嘅英姿，以 A9 配搭 FE 70-200 mm F2.8 GM OSS 镜头，就可以发挥A9 超极速追焦连拍功能。A9採用全新层叠式 Exmor RS™ CMOS 感光元件，加上强劲电子快门可以高速 20fps 连拍、每秒 60 次自动对焦追焦运算，拍摄过程中全无黑屏，自动对焦仲準过人眼，真係唔使谂即刻拍！加上其 2,420 万像素解像力结合最新 BIONZ X 处理器，画面细节清楚呈现，色彩还原度高，层次鲜明！无论几快嘅动作都影到，主体够清够锐利。
▲ A9 係影运动嘅好帮手，配埋长焦镜，喺郊外影埋蝴蝶同雀仔都一样 easy。
▲ 换返枝短镜，连埋相机袋都唔算太重，咁就可以一路踩住单车、一路孭住都无问题。
▲ 睇片就知 A9 极速 20fps 连拍真係好似拍片咁，极速追焦全无黑屏！
▲ 相片以 A9 配搭 FE70-200 mm F2.8 GM OSS 镜头拍摄，快速移动中的主体清晰锐利，散景耐看舒服。轻巧不失专业质感：A6500
虽然 A9 是以轻便为卖点的无反家庭一份子，不过全片幅机身配合长镜使用，对女士来说，仍是谈不上「轻便」。如果想拍得住专业质感、又想影得轻型，身为 APS-C 片幅的 A6500 就係好选择。A6500 规格朝向专业迈进，不过净机身连电池都唔过 500g，就算行山或户外活动孭住都十分轻鬆。加上五轴防震功能，手持拍摄非常稳定，拍摄移动主体时更得心应手。连颇考功夫嘅 Pan镜都无有怕，快速混合自动对焦功能同追焦都跟得上踩得咁快嘅单车。当然而家最 hit 嘅 4K 拍片亦无走宝，咁踩足全日车、影足全日相仲拍埋片都有气有力，每个开心嘅时刻都唔会错过啦！！
▲ 一机一镜都唔过 1 kg，女仔拎成日都唔觉好攰。加上仲有 4K 摄录功能，拍埋片都仲咁轻鬆！
▲ Pan 镜可营造动感效果，要求手持要定、对焦够準，用 A6500 其实唔难。极速对焦随身机：RX100 V
以 1 吋 Sensor 出名嘅 RX100 系列出到第 5 代，RX100 V 加入 0.05 秒极速对焦， 315 个对焦点及每秒 24 张追焦连拍，足以应付拍摄日常运动场面，影朋友踩住单车嘅开心表情都话咁易。而RX100 V 另一煞食位，就係佢嘅 180 度可翻揭 LCD 萤幕，自拍影住自己个 sporty look、或者成班朋友一齐合照都无难度。
▲ 自动对焦够快够準、连拍速度高，仲有 4K 拍片，加上有内藏电子观环器，但只有手掌大细，非常轻便。
▲ 机仔只需要一个腰包仔就得，单手影相都轻轻鬆鬆。
▲24mm 广角，加上 180 度反 mon，成班朋友自拍都无难度。
影靓相除咗拣得啱器材，相机袋嘅选择都同样重要！唔知大家有无留意上文嘅相机袋？原来係 Hellolulu x DCFever 别注版相机袋！由即日起到 shop@dcfever 购买指定 Sony 相机，即可获赠 Hellolulu x DCFever 别注版相机袋！除咗蓝色仲有粉红色拣，兼夹有其他优惠，为夏日带来惊喜。心动就立即行动，而家就为夏日精彩活动做足準备啦！
优惠详情按此
查询电话：2781 1780